Croeso

Diolch am ystyried Ysgol Llanfair Pwllgwyngyll i'ch plentyn. Rydyn ni'n cynnig amrywiaeth eang o brofiadau mewn ysgol hapus a diogel, ac yn eu hymestyn y tu hwnt i'r diwrnod ysgol - o Eisteddfod yr Urdd i chwaraeon a chelf.

Mae'n disgyblion ni'n gweithio'n galed, a'n staff hefyd. Mae ymwelwyr yn sylwi ar y cyfeillgarwch, y cydweithio a'r agosatrwydd drwy'r ysgol. Rydyn ni eisiau i flynyddoedd eich plentyn yma fod ymysg dyddiau hapusaf ei fywyd.

Darllenwch ymlaen, neu ffoniwch y swyddfa ar 01248 714478 i drefnu ymweliad. Dewch i weld yr ysgol drosoch eich hun.

Am yr ysgol

Ysgol gynradd cyfrwng Cymraeg ydi Ysgol Llanfair Pwllgwyngyll, efo 344 o ddisgyblion. Mae'n dalgylch yn cynnwys pentref Llanfair Pwllgwyngyll, Penmynydd a Star, ac mae rhai teuluoedd yn teithio o'r tu allan i'r dalgylch. Rydyn ni'n gwasanaethu cymuned eang, efo sawl iaith a chefndir, ac mae pob plentyn yn rhan o deulu'r ysgol.

Ein nod ydi datblygu dysgwyr creadigol ac uchelgeisiol sy'n gwerthfawrogi cymuned, teulu a pharch at eraill. Mae gan rieni ran go iawn yn hynny, ac rydyn ni'n cynnig cyfleoedd cyson i chi ymuno â bywyd yr ysgol. Siaradwch efo rhieni wrth y giât - mi gewch chi wybod sut le ydi'r ysgol.

Beth mae'r disgyblion yn ei ddweud

Dwi wrth fy modd yn Ysgol Llanfairpwll oherwydd mae pawb yn gwrando.

Mae Ysgol Llanfair Pwll yn ysgol arbennig oherwydd mae'r athrawon mor neis a dwi'n licio dysgu yn yr ysgol.

Dwi wrth fy modd yn Ysgol Llanfair Pwll oherwydd mae pawb yn garedig ac mae'n hwyl dysgu pethau newydd efo fy ffrindiau.

Mae yna lwyth o gyfleoedd i weithio fel tîm, fel mentergarwch.

Dwi'n mwynhau gwaith - dwi'n hoffi cael fy ymestyn.

Ysgol Llanfairpwll ydi ysgol orau'r byd. Dwi'n hoffi dewis fy sialens a herio fy hun.

Mae Ysgol Llanfair yn anhygoel - pawb yn un teulu mawr.

Dwi'n hoffi'r Trim Trail!

Ein harwyddair

Hwyl mewn gwaith ar daith ein dysg

Gwyn Pleming