Mewngofnodwch
Agorwch ap MyChildAtSchool a mewngofnodi.
Ewch at bresenoldeb
Tapiwch My Child, wedyn Attendance, wedyn Report an absence.
Dewiswch eich plentyn
Mynd fel teulu? Dewiswch bob plentyn sydd yn yr ysgol yma ar yr un tro.
Gosodwch y dyddiadau
Rhowch y diwrnod cyntaf i ffwrdd yn Date From a'r diwrnod olaf i ffwrdd yn Date To. Y diwrnod olaf i ffwrdd ydi'r diwrnod cyn i'ch plentyn ddod yn ôl i'r ysgol.
Gadewch y blwch Time heb ei dicio
Ar gyfer plentyn sy'n cyrraedd yn hwyr neu'n gadael yn gynnar ar un diwrnod mae'r blwch hwnnw.
Ysgrifennwch eich neges
Yn Message, rhowch beth ydi'r absenoldeb: Holiday, Medical Appointment, Dentist. Os gwyliau ydi o, ychwanegwch eich rheswm.
Atodwch rywbeth os oes angen
Mae dewis i atodi ffeil os ydych chi'n teimlo bod angen. Cadarnhad archebu, gwahoddiad priodas, llythyr apwyntiad.
Anfonwch
Tapiwch Send, wedyn cadarnhau.
Ar borwr
Mewngofnodwch i MyChildAtSchool, agorwch Dashboard, wedyn Attendance, wedyn Report an Absence. Yr un blychau sydd yno.
Beth sy'n digwydd wedyn
Mae'r swyddfa'n darllen eich cais ac yn ei basio ymlaen ata i. Daw fy ateb atoch chi fel neges yn eich blwch derbyn ar MyChildAtSchool.
Os oes rhywbeth o'i le
- Methu mewngofnodi. Ffoniwch y swyddfa. Fe gawn ni'ch cyfrif i weithio, ac wedyn anfonwch y cais drwy'r ap.
- Yr ap yn dweud bod hysbysiad yn bodoli'n barod ar gyfer y dyddiadau hynny. Rydach chi wedi anfon un. Edrychwch yn eich blwch derbyn am ein hateb.
- Dim botwm Report an absence i'w weld. Ffoniwch y swyddfa, a disgrifiwch beth sydd ar eich sgrin.